Արդեն մեծ եմ ես, գիտե՞ք,
Էլ ինձ փոքրիկ չկարծեք:
Ոտքիս ծայրին որ կանգնեմ,
Մեծ սեղանին կհասնեմ…

ԾԱՓԻԿ

Ծափիկ, ծափիկ, ծափ անեմ,

Ւջնեմ բակում խաղ անեմ,

Մի փունջ ծաղիկ հավաքեմ,

Բերեմ մայրիկիս նվիրեմ։

Բկլիկ ձկնիկը

Ձկնի’կ, լո’ղ տուր, լո’ղ արա,

Դրսի որսը թո’ղ արա.

Իջի’ր ջրի հատակը,

Մինչև անցնի վտանգը:Տե՜ս, փորձանք կա քո գլխին,

Մի լավ մտիկ երեխին,

Որդ է խփել իր կարթին,

Չմոտենաս էդ որդին:Ինձ չլսեց շեկլիկը,

Ինձ չլսեց բկլիկը,

Հո’պ, կուլ տվեց նա որդը,

Կարթը մնաց կոկորդը:

«-Վա՜յ մայրի՜կ ջան, տե՜ս»

-Վա՜յ մայրի՜կ ջան, տե՜ս,

Բակն ու դուռը լի

Ինչքան սպիտակ

Թիթեռ է գալի…

Էսքան շատ թիթեռ

Չեմ տեսել ես դեռ:

-Չէ՛,իմ անուշիկ,

Թիթեռներ չեն էտ.

Թիթեռներն անցան

Ծաղիկների հետ:

Էտ ձյուն է գալի,

Փաթիլն է ձյունի,

Որ կարծես սպիտակ

Թիթեռնիկ լինի:

Փիսոն

Փիսոն, փիսոն մլավան,

Թավրիզ թողեց, փախավ Վան,

Լեզուն թաթխան, երկար պոչ,

Ինչ որ ուզեց, ասին՝ ո՛չ:

Փիսոն գնաց գողեգող,

Փորը դատարկ, սիրտը դող,

Դունչը մեկնեց կովկիթին,

Շերեփն իջավ ճակատին:

Թվերը

0-ն` կլոր շրջանով,

1-ը` ուղիղ գծիկով,

Բայց մի փոքր քթիկով:

2-ը` փոքրիկ գլխով,

Ու մի քիչ էլ պոչիկով:

3-ը` երկու կեռիկ,

Իսկ 4-ը` երեք գծիկ:

5-ն էլ ունի մի գծիկ,

Բայց կլորը պուճուրիկ,

Լիարժեք չէ, տես, փոքրիկ:

6-ը նման է 9-ին,

7-ը մոտ է նույն 1-ին,

Բայց քթիկը էլ կախ չէ,

Գծիկն էլ մի քիչ կեռ է:

Իսկ 8-ը երկու գնդիկ,

Միասին դարձան թվիկ:

9-ը, հիշիր, իմ փոքրիկ,

Գլխիկը 6-ի պես չէ,

Այն շրջված 6-իկն է:

Իսկ 10-ն էլ, դե, տեսնում ես,

Երկու տարբեր նիշեր են

Պարզապես միասին են:

Նոր տարի

Թե ձմռանը,թե ամռանը

Նա ունի կանաչ ճյուղեր,

Հրաշքի է նման տանը`

Տոն է իր հետ նա բերել:

Ճյուղերից կախ արջ ու ոզնի,

Արևներ ու աստղիկներ,

Թե որ սիրտդ միրգ էլ ուզի,

Կամ թե կոնֆետ`քաղիր,կեր:

Տոնի ծառ է նա իսկական,

Տարեմուտ է ,Նոր Տարի,

Հեքիաթի է նման այնքան

Խնդությունը   շուրջպարի: